頁:
[1]
大家都係被選中既細路！《數碼暴龍Linkz》短評
本帖最後由 ThomasChanHey 於 2016-4-18 12:47 AM 編輯大家期待既久既童年作《數碼暴龍Linkz》終於上架啦，玩左都成接近兩日都有，依家就為大家送上簡短既評測同進化表啦，其實佢呢隻手遊個進化表都係跟PSV果隻《數碼暴龍偵探》，所以直接拎返黎比大家參考下，不過咁多分支，點進真係好難建議曬比大家，唯有只能提醒大家V仔獸唔好亂進……至於最多人關心既開局建議就少少地作個整合啦，有兩個才能(即盾牌logo)優先，哪怕只係成長期，最好當然趁有活動直出完全體Carry啦，一係就帶住隻有愛既成熟期慢慢起家，好似非洲猶長既我咁，用時間換取戰鬥力。畫質算好，不過好到食成2GB就唔係太好呢隻《數碼暴龍Linkz》雖然係回合制，不過佢進化等等畫面都做得好貼近返個數碼世界，因此佢不經不覺咁就要2GB，對我身邊唔少朋友黎講，好似都專登Del左某啲野先去玩，其實佢可以試下再處理得好啲既。
系統玩法清楚易明，不過進化學技好難明回合制玩法，夠AP就出技，岩屬就提你有利，唔岩屬就話同你講聲不利，的確好易上手既，不過進化既分支真係令大家好頭痕，始終唔係人人都玩過佢PSV隻數碼偵探，不過慶幸佢目前設施唔多，大家記住善用升級果舊野黎回體，你一日唔禁「建設完了」，佢都唔會即刻幫你回滿條體，放心！至於繼承技能方面，大家都係留意S.ATK同ATK既數值黎分技啦，而S.ATK即係魔法攻擊，相信大家都明白個數值會幾影響招技既傷害啦。其他位做得太陰濕，完全符合BANDAI作風呢到明顯數佢有咩位係陰濕既，首先係我地條體力，我地玩家無等級既，回體一係升建築，一係就比石回，再唔係等時間，整體黎講，升果個建築都係要等，即係你急起上黎都係要比5石。其他就係每日任務，目前主線都係得四個屬性既基本素材，你要暗屬同無屬似乎都要等星期六同星期日，然後到你需要黃金素材去進完全體，中級有時趺金色方塊可以係出銀都可以係出金，而上級就有機會全藍唔出金，真係幾陰濕下。丫，我唔記得同大家講，抽人有時極低機率會連埋才能比你，即係個盾，大家想隻數碼精靈勁又要靠佢，至於隊長技本身有就有，無就無架啦，真係衰到呢……仲有唔記得提大家，佢斷線之後派石要你入公告自己再收先有，真係陰濕到連派比你都無乜誠意囉！
...<div class='locked'><em>瀏覽完整內容，請先 <a href='member.php?mod=register'>註冊</a> 或 <a href='javascript:;' onclick="lsSubmit()">登入會員</a></em></div><div></div> 唔好照COPY GAMEKONG啦,有D誠意好唔好。
這遊戲雖然非常有感, 但黑科技官方都不找-.-
頁:
[1]